काठमाडौं । भुटानले नेपाललाई कोरोना भाइरस विरुद्धको ३ लाख डोज खोप दिने भएको छ । नेपाली संचारमाध्यमले स्वास्थ्य मन्त्रालयका अधिकारीहरु उदृत गर्दै यसको पुष्टी गरेका छन् । भुटानले लक्षित समूहलाई खोप लगाइसकेपछि नेपाललाई अस्ट्राजेनेकाको खोप दिने भएको छ । यो खोप नेपालले जेष्ठ नागरिकलाई एक डोज दिए पनि दोस्रो डोज दिन पाएको छैन ।
यो प्रयोजनका लागि सहयोगी सावित हुने छ । भारतले खोप रोकेसँगै नेपालमा वृद्धवृद्धाले गत फागुनयता नै दोस्रो डोज पाएका छैनन् । भुटानबाट खोप छिट्टै ल्याउने तयारी भइरहेको र यसमा परराष्ट्र मन्त्रालयमार्फत कूटनीतिक माध्यममार्फत सरकारीस्तरमा पहल भइरहेको बताइएको छ । भुटानले वयष्क नागरिकमा ९० प्रतिशतभन्दा बढीलाई कोरोनाको दोस्रो डोज लगाइसकेको छ ।
आफ्ना मुलुकका नागरिकलाई खोप लगाइसकेपछि बाँकि रहने खोप करिब ३ लाख नेपालले पाउने भएको हो । भुटानबाट खोप ल्याउने सम्बन्धमा शुक्रबार बसेको कोभिड–१९ संकट व्यवस्थापन समिति (सीसीएमसी) को बैठकमा समेत छलफल भएको समाचारमा उल्लेख छ । यो बैठकको अध्यक्षता प्रधानमन्त्री शेर बहादुर देउवाले गरेका थिए ।