काठमाडौं । माल्टा पठाइदिने प्रलोभनमा ४८ लाख रुपैयाँ ठगी गरेको आरोपमा एक जना पक्राउ परेका छन् । माल्टा पठाइदिने भन्दै विभिन्न प्रलोभनमा पारी ४८ लाख ९८ हजार रुपैयाँ ठगी गरेको अभियोगमा सुनसरीको बराहक्षेत्र नगरपालिकाका ३२ वर्षीय सुरज राई पक्राउ परेका हुन् । प्रहरीले उनलाई मंगलबार पक्राउ गरेको हो ।
माल्टा पठाउने भन्दै नगद पैसा लिएर उनी फरार भएका थिए । महानगरीय अपराध महाशाखाबाट खटिएको प्रहरीले जिल्ला प्रहरी कार्यालय सुनसरीको समन्वयमा उनलाई सुनसरीबाट पक्राउ गरिएको हो । उनलाई आवश्यक कारबाहीका लागि बुधबार महानगरीय प्रहरी परिसर काठमाडौं पठाइएको हो ।