माल्दिभ्सले नेपाललाई दिएको २ लाख डोज खोप काठमाडौं आयो

काठमाडौं । मित्र राष्ट्र माल्दिभ्सले नेपाललाई दिएको दुई लाख एक हजार ६०० डोज एस्ट्राजेनिका खोप आइतबार नेपाल आइपुगेको छ । कतार एयरवेजको नियमित उडानबाट खोप नेपाल आएको हो । स्वास्थ्य सेवा विभागका अनुसार उक्त खोपलाई टेकुस्थित केन्द्रीय खोप भण्डारणमा राखिएको छ । खोपलाई केहीदिनपछि प्राथमिकताका आधारमा विभिन्न जिल्लामा पठाईने छ । नेपाललाई माल्दिभ्सले सो मुलुकमा लगाएर बढी भएको खोप अनुदानमा उपलब्ध गराएको हो ।