काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले भारत भ्रमण सकेर स्वदेश फर्किएका छन् । तीन दिने भारत भ्रमणका क्रममा भारतीय प्रधानमन्त्री नरेन्द्र मोदीसँगको भेट हुने योजना थियो । तर, अन्तिम समयमा रद्द भएपछि उनी मोदीलाई नभेटी स्वदेश फर्किएका हुन् । शुक्रबार उनी भारत प्रस्थान गरेका थिए । प्रचण्डले भारतीय जनता पार्टीको कार्यालयमा अध्यक्ष जेपी नड्डासँग भेटवार्ता गरेका छन् ।
अन्तिम समयमा आएर रोकिएको भेटबारे आफुलाई भने कुनै जानकारी नभएको उनले विमानस्थलमा बताए । बीजेपीका अध्यक्षले बोलाएर भारत गएको र उनलाई भेटेपछि क्लाइमेक्स त्यही हो भन्ने ठानेको हुनसक्ने उनको भनाई छ । भारतमा बाढीले जनधनको ठूलो क्षति भएको र मोदी त्यसमा व्यस्त भएकाले समेत भेट हुन नपाएको उनको अनुमान छ । उनले भारतीय विदेशमन्त्री एस जयशंकर सँग भने भेटघाट गरेका थिए ।