काठमाडौं । सरकारले युक्रेनमा रहेका नेपाली नागरिकलाई छिमेकी मुलुकको सीमा क्षेत्रमा जान आह्वान गरेको छ । राजधानी किभमा कर्फ्यु खुकुलो पारिएसँगै नेपालीहरुलाई समेत छिमेकी मुलुकको सीमानामा जान भनिएको हो । जर्मनीस्थित नेपाली दूतावासले युक्रेनको पोल्याण्ड, स्लोभाकिया, हंगेरी र रोमानियाको सीमा क्षेत्रमा आउन आग्रह गरेको हो ।
युक्रेनको पूर्वी, उत्तरी र मध्य क्षेत्रमा रहेका नेपालीलाई सीमा क्षेत्रको सुरक्षित स्थानमा आउने उपयुक्त मौका रहेको नेपाली दूतावासको भनाई छ । दूतावासले केही समस्या परेमा सम्पर्क गर्न दूतावासका अधिकारी र गैर आवासीय नेपाली संघका प्रतिनिधिहरुको टेलिफोन नम्बरहरु समेत दिएको छ । पछिल्लो समय सम्पर्कमा आएको २ सय भन्दा बढी नेपाली भने सुरक्षित रुपमा युक्रेनबाट अन्य मुलुक प्रवेश गरिसकेका छन् ।
