काठमाडौं । रुसविरुद्ध युक्रेनले रणनीतिक निर्णय लिएको छ । युक्रेनको संसदले बिहीबार कानून पारित गर्दै रुसी नागरिकको सम्पत्ति जफत गर्न सरकारलाई मन्जुरी दिएको हो । राष्ट्रपति भ्लादमिर जेलेन्स्कीले यो निर्णयलाई ऐतिहासिक भनेका छन् । संसदमा उपस्थित सबै सांसदले राष्ट्रिय गान गाएर जनतालाई हौसला प्रदान गरेको रोयटर्सले लेखेको छ । यसअघि संसदमा राष्ट्रपतिले गत मंगलबार सम्बोधन गरेका थिए ।
उनले युक्रेनी जनतामाथि रुसले बर्साएको सिमाइलबारे त्यहाँका जनताले कहिले पनि माफी नदिने बताएका थिए । अहिले संसारभरबाट रुसमाथि असहयोग शुरु भएको छ । उसमाथि प्रतिवन्धहरु कडा गरिएका छन् । यद्दपी रुसले भने आक्रमण जारी रहने बताएको छ । आक्रमणमा दुबै मुलुकतर्फ ठूलो मानवीय क्षति भए पनि हताहतीको यकिन संख्या बाहिरिएको छैन ।