काठमाडौं । यू १९ एसिया कप छनोट क्रिकेटमा नेपालले सिंगापुरमाथि प्रभावशाली जीत निकालेको छ । सिंगापुर माथि २ सय १७ रनको जीत निकाल्दै नेपालले लगातार दोस्रो खेलमा आफूलाई अब्बल टोलीका रुपमा स्थापित गर्यो ।
यसअघि बुधबार सम्पन्न खेलमा नेपालले चीनमाथि १० विकेटको जीत निकालेको थियो ।
शुक्रबार सम्पन्न खेलमा रीत गौतमले शतक र कुशल मल्लले अर्धशतक प्रहार गरे । एसीसी यू-१९ इस्ट्रन रिजन क्रिकेट अन्तर्गत नेपालले पहिले ब्याटिङ गर्दै सिंगापुरलाई ३२७ रनको लक्ष्य प्रस्तुत गरेको थियो।
जवाफी ब्याटिङमा उत्रिएको सिंगापुर ३१ औँ ओभरमा अलआउट हुँदै १०९ रनमा समेटियो । जितसँगै नेपाल समुह एु विजेता बनेको छ । नेपालले अब आगामी सोमबार समुह बी को उपविजेतासँग सेमिफाइनल खेल्ने छ ।