१८ जेठ, काठमाडौं । राष्ट्रिय प्रजातन्त्र पार्टीको आह्वानमा सुरु भएको राजावादी आन्दोलन आज तेस्रो दिन प्रवेश गरेको छ । शनिबार नारायणहिटी अगाडी आन्दोलनको तयारी गरिरहेका पूर्वराजा समर्थकलाई सरकारले निषेधाज्ञा लगाएको थियो । त्यसपछि आन्दोलनकारी बालुवाटार मोडिएका थिए । आज भने आन्दोलन नारायणचौरमा केन्द्रित हुने राप्रपा अध्यक्ष राजेन्द्र लिंदेनले जानकारी दिए ।
उनले आन्दोलनमा सहभागी सहयोगी सबैलाई धन्यवाद समेत भनेका छन् । गणतन्त्र दिवसका अवसरमा एमालेले आह्वान गरेको प्रदर्शनको तुलनामा राजावादी आन्दोलनमा जनसहभागिता बढेको भन्दै राप्रपाका नेताहरु उत्साहित छन् ।
