काठमाडौं । राजावादीहरूले काठमाडौंको तीनकुनेमा गरेको प्रदर्शन, तोडफोड र आगजनीमा संलग्न ५१ जनालाई प्रहरीले पक्राउ गरेको छ । जिल्ला प्रहरी परिसर, काठमाडौंका प्रवक्ता अपिलराज बोहराका अनुसार शुक्रबार रातिसम्म प्रहरीले ५१ जनालाई पक्राउ गरिसकेको छ । अमानवीय, अमर्यादित एवं गैरकानुनी अपराधिक गतिविधिमा संलग्न व्यक्तिहरुलाई पक्राउ गरिएको प्रहरीको भनाइ छ ।
प्रहरीले राप्रपाका उच्च तहका नेता रविँन्द्र मिश्र, धवल शमसेर राणासहितका व्यक्तिलाई पक्राउ गरेको छ । आन्दोलनका मूख्य नाइके दुर्गा प्रसाई भने फरार छन् । उनले पूर्वराजा ज्ञानेन्द्रसँग भेट गरेसँगै आन्दोलनको कमाण्डर बनाइएको थियो । सोहीकारण घटनामा पूर्वराजालाई समेत जिम्मेवार बनाइएको छ ।