काठमाडौं । युक्रेनमाथि आक्रमण गरेयता रुसले ठूलो संख्यामा सैनिक गुमाएको स्वयमः स्वीकार गरेको छ । यसअघि दावि भए पनि रुसले स्वीकार भने गरेको थिएन । युक्रेनमाथि आक्रमण गरेको एक सातामा आफ्ना सैनिकको हताहतीबारे रुसी रक्षा मन्त्रालयले पहिलो पटक विवरण सार्वजनिक गरेको हो । बीबीसीले लेखे अनुसार आक्रमणका दौरान करिब पाँच सय सैनिक मारिएका छन् । १,६०० सैनिक घाइते भएका छन्।
तर विश्लेषकहरूले त्यो सङ्ख्या निकै बढी हुनसक्ने आंकलवन गरेका छन् । यद्यपि हताहतीबारे मस्कोले दिएको विवरणले रुसी फौजले युक्रेनको तर्फबाट कडा प्रतिवादको सामना गर्नुपरेको देखाएको विश्लेषकहरूको ठहर छ।
रुसी सैनिकलाई युक्रेनी सैनिक तथा स्वयमसेवक दलले दिएको कडा टक्करका कारण रुसले अनुमान गरेभन्दा कठिन परिस्थितिको सामना गर्नु परेको बताइएको छ । सोहीकारण रुसी राष्ट्रपतिले आणविक हतियार चलाउने चेतावनी दिन थालेका छन् ।