काठमाडौं । युक्रेन र रुसबीचको युद्धमा भारत रुसको पक्षमा लागेको छ । उता, युक्रेनमा रुसकै आक्रमणमा परि एक भारतीय विद्यार्थीको ज्यान गएपछि भने भारत सरकारको व्यापक आलोचना शुरु भएको छ । रूसको आक्रमणमा परि युक्रेनमा बसिरहेका एक भारतीयको मंगलबार मृत्यु भएको हो । भारतीय विदेश मन्त्रालयका प्रवक्ता अरिन्दम बाग्चीले सामाजिक सञ्जाल ट्विटरमा युक्रेनको दोस्रो ठूलो सहर खार्किभमा मंगलबार बिहान एक भारतीय विद्यार्थी मारिएको पुष्टी गरेका हुन् ।
युक्रेनमा २० हजार बढी मेडिकल विद्यार्थी रहेको अनुमान छ। तीमध्ये पाँच हजार जति युक्रेनबाट बाहिरएको अनुमान छ । घटनापछि विद्यार्थीका बुबासँग टेलिफोनमा कुरा गर्दै प्रधानमन्त्री नरेन्द्र मोदीले दुखः व्यक्त गरेको भारतीय संचारमाध्यमले लेखेका छन् ।