काठमाडौं । पोर्चुगिष्ट स्टार फुटबलर क्रिस्टियानो रोनाल्डो कोरोना भाईरसको संक्रमण जितेका छन् । युभेन्ट्सबाट व्यवसायिक फुटबल खेल्ने उनी शुक्रबार कोरोना संक्रमण मुक्त भएको क्लवले उल्लेख गरेको छ । यसबीचमा उनले च्याम्पियन्स लीगअन्तर्गत बार्सिलोनसँगको खेल गुमाएका छन् । उक्त खेलमा युभेन्ट्स पराजित भएको थियो ।
रोनाल्डोको पछिल्लो रिपोर्ट नेगेटिभ आएको युभेन्ट्सले उल्लेख गरेको छ । उनी कोरोना पुष्टी भएको १९ औं दिनमा मुक्त हुन सफल भएका हुन् । नेसन्स लिग खेल्न पोर्चुगल पुगेका रोनाल्डोमा २४ अक्टोबरमा कोरोना संक्रमण पुष्टी भएको हो ।