लमजुङ । पुर्वि लमजुङको दोर्दी गाउँपालिका ६, सिमीगाउँमा भएको जिप दुर्घटनामा परी तीन जनाको ज्यान गएको छ । अर्का तीन जा गम्भीर घाइते छन् । प्रहरीका अनुसार दोर्दीखोलामा निर्माणाधीन सुपरदोर्दी जलविद्युत् आयोजना ‘ख’ को कर्मचारी लिएर फर्किंदै गरेको प्रदेश ३–०१–०२२च १३८३ नं. को जिप बिहीबार साँझ ताँजेतर्फ जाँदै गर्दा भीरबाट खसेको हो ।
दुर्घटनामा आयोजनामा कार्यरत दुई इन्जिनियर र जिप चालकको घटनास्थलमै ज्यान गएको छ । प्रहरीका अनुसार दुर्घटनामा सुपरदोर्दी जलविद्युत् आयोजना ‘ख’ मा कार्यरत स्याङ्जा निवासी इन्जिनियर यदुनाथ भट्टराई, भानु नगरपालिका १०, तनहुँ घर भएका ४५ वर्षीय इन्जिनियर जयप्रकाश लौडारी र जिप चालक खोटाङ घर भएका २६ वर्षीय किशोर राईको मृत्यु भएको छ ।
धरान सुनसरी घर भई सुपरदोर्दी ‘ख’ मा कार्यरत इन्जिनियर सुनिलकुमार साह, दोर्दी गाउँपालिका ६, ताँजे घर भई सिमी गाउँस्थित अमरज्योति आधारभूत विद्यालय कक्षा ७ मा अध्ययनरत १५ वर्षीया अनु घले र कक्षा ६ मा अध्ययनरत १५ वर्षीया सुसना विक घाइते छन् । स्कुल बिदा भएपछि खाली रहेको सीटमा विद्यार्थी समेत चढेका थिए । घाइतेको जिल्ला अस्पताल बेंसीसहरमा उपचार जारी छ ।