अमृता के सी ( रोनी )
काठमाडौँ,असार २४ ।लायन्स क्लब इन्टरनेसनल डिस्ट्रिक ३२५ ए १ अन्तर्गतका २७ वटा लायन्स क्लब र २ वटा लियो क्लबहरुको संयुक्त आयोजनामा लायन्स सेवा हप्ता सम्पन्न भएको छ ।सात दिन सम्म लगातार विभिन्न स्थानमा सामाजिक काम गरे पछी बुधबार गोकर्णेश्वर नगरपालिका स्थिति वर्ड युथ स्कुलमा भएको समापन कार्यक्रमको उद्घाटन डिस्ट्रिक गभर्नर लायन रेवत बहादुर कार्कीको प्रमुख आतिथ्यतामा भएको छ ।
कार्यक्रममा लायन्स क्लब इन्टरनेसनल डिस्ट्रिक ३२५ ए १ का फस्ट भाइस डिस्ट्रिक गभर्नर लायन कर्म गुरुङ, डिस्ट्रिक क्याबिनेट सेक्रेटरी लायन धर्म शरण श्रेष्ठ, डिस्ट्रिकका जोन चियर पर्सन,रिजन चियर पर्सन लगायतका सम्पूर्ण लायन तथा लियो लिडरहरुको उपस्थिति रहेको थियो।
प्रतेक अंग्रेजी वर्षको जुलाई १ तारिकबाट लायन्स क्लबहरुको नयाँ कार्यकाल सुरू हुने र त्यही सुरुको १ हप्तामा विविध सेवाका कार्यहरु गरि मनाउने गरिन्छ।कार्यक्रममा हामी सेवा गर्छौं भनी सेवा भावले अघि बढेको लायन्स क्लब र लियो क्लबहरुले संयुक्तरूपमा साताव्यापी खाद्यान्न वितरण, सरसफाइ कार्यक्रम, वृक्षारोपण, स्वास्थ्य सामग्री वितरण,विपद व्यवस्थापन तालिम,जनावरलाइ खाना खुवाउने ,मधुमेह परिक्षण, कोभिड जागरुकता कार्यक्रम लगायतका सेवा हप्तामा कार्यक्रम गरेको कार्यक्रमका संयोजक श्रीधर पौडेलले जानकारी गराए।
कार्यक्रमलाई सम्बोधन गर्दै डिस्ट्रिक गभर्नर कार्कीले सेवा हप्ता भरी गरेको सेवा कार्यको लागि धन्यवाद दिदै लायन वर्ष २१/२२ सफल बनाउन “एउटा प्रभाव पारौं ” भन्ने उनको नारालाई आत्मसात गर्न समेत सम्पूर्ण लायन तथा लियो लिडर र सदस्यहरुलाई अनुरोध समेत गरेका छन्।संयुक्तरूपमा सेवा हप्ता मनाउने २७ वटा लायन्स क्लबहरुमा लायन्स क्लब अफ काठमाडौं गोकर्णेश्वर, माकलबारी, रोयल हिमालयन, गुप्ती गणेश, थर्ड आइ, नयाँपाटी फ्रेन्ड्स, इन्फिनिटी, टिम एभरेष्ट, गौरवशाली, सुन्दरीजल, क्रिएटिभ ओमन, राइजिंग सन, सिम्रिक, नयाँपाटी भिक्टोरियस, बागमती नर्थ, एकेडेमिक, कोलाबोरेटर, जर्नी, पन्चशिल ,गेटवे, दर्पण, मनहरा, उत्तरबहिनि, भद्रकाली, साँखु, एस एम एस, बूढानिलकण्ठ नेवा पुच, र लियो क्लबहरुमा लियो क्लब अफ काठमाडौँ गोकर्णेश्वर र लियो सिम्रिक रहेका छन् ।
