वर्षमान पुन १० माघमा स्वदेश फर्कने

काठमाडौं । स्वास्थ्योपचारका सिलसिलामा चीनमा रहेका माओवादी केन्द्रका नेता वर्षमान पुन १० माघमा नेपाल आउने भएका छन् । उनी नेपालमा नभएका कारण माओवादी केन्द्रले पदाधिकारी चयन गर्न सकेको छैन । पुनले शनिबार एक सन्देश जारी गर्दै सोमबार नेपाल आउन लागेको बताएका हुन् । आफु पूर्ण रुपमा स्वस्थ रहेको समेत उनले जनाएका छन् । नेपालबाट उपचारका लागि थाइल्याण्ड लगिएका उनलाई त्यहाँ निको नभएपछि चिन्ताजनक अवस्थामा चीनमा लगिएको थियो ।