काठमाडौं । वायु प्रदूषणका कारण बन्द गरिएका देशभरका विद्यालय आजबाट सूचारु हुँदैछन् । हावामा प्रदूषणको मात्रा अत्यधिक बढेसँगै सरकारले चार दिनका लागि देशभरका विद्यालय बन्द गरेको हो । केन्द्र सरकारको निर्णय स्थानीय तहमा भने आशिंक रुपमा मात्र कार्यान्वयनमा आएको छ ।
स्थानीय सरकारले आफ्नो भेगका वायु सफा भएको भन्दै विद्यालय खुला राख्ने निर्णय समेत गरेका थिए । सरकारकै जल तथा मौसम विज्ञान विभागका अनुसार अहिले वातावरणमा केही सुधार आएको छ ।
तर, पूर्णतया आकास खुल्न भने अझै केही समय लाग्ने छ । विद्यालय भने पूर्ववतः अवस्थामा सञ्चालन हुने शिक्षा, विज्ञान तथा प्रविधि मन्त्रालयले जानकारी दिएको छ ।