काठमाडौं । विदेशमा एमबीबीएस अध्ययन गरेका नेपाली विद्यार्थीले अब स्वदेशमै इन्टर्नसिप दिन सक्ने भएका छन् । सरकारले मन्त्रीपरिषद् बैठकबाटै यस्तो निर्णय गरेको हो । खासगरी चीनमा एमबीबीएस पढेकमा विद्यार्थीलाई कोरोना भाइरसको संक्रमणका कारण चीनले प्रवेश अनुमती दिएको छैन । यसबाट उनीहरुको अध्ययन नै प्रभावित हुने भएपछि सरकारले सहजिकरण गरिदिएको हो ।
शिक्षा, विज्ञान तथा प्रविधि मन्त्रालयका अनुसार मन्त्रिपरिषद्ले चीनसहितका मुलुकमा स्नातक तहमा चिकित्सा शिक्षा अध्ययनको क्रममा अप्ठ्यारोमा परेका विद्यार्थीलाई स्वदेशमै पढ्ने व्यवस्था मिलाउन सहमति दिइएको छ ।
गत वर्ष कोरोना सङ्क्रमण बढेपछि चीनबाट सरकारले फिर्ता ल्याएका विद्यार्थीले बाँकी अवधि नेपालमै पढ्न पाउनुपर्ने माग गरि आन्दोलन नै गरेका थिए । चीन जान नपाएपछि नेपालबाटै अनलाइनबाट पढेर कोर्स सकाएको र एक वर्षको इन्टर्नसिप मात्र बाँकी रहेको विद्यार्थीको माग थियो ।