काठमाडौं । विपक्षी गठबन्धनले संसद विघटनविरुद्ध आज सर्वोच्च अदालतमा रिट दायर गर्दैछन् । आइतबार नै रिट दायर गर्ने तयारी भएपनि सांसदहरुको हस्ताक्षर संकलन गर्दा ढिलाई हुन पुगेको बताइएको छ । रिट हाल्नका लागि आवश्यक सबै कागजपत्र आइतबार नै जुटेका कारण सोमबार बिहान सर्वोच्च जाने तयारी भएको नेताहरुले बताएका छन् ।
प्रधानमन्त्रीको सिफारिसमा राष्ट्रपति विद्यादेवी भण्डारीले शुक्रबार मध्यरातमा संसद विघटन गरेकी छिन् । विपक्षी दलले १४९ जना सांसदको हस्ताक्षरसहित देउवालाई प्रधानमन्त्रीमा प्रस्ताव गरेपनि राष्ट्रपतिले अमान्नय हुने घोषणा गरेकी थिइन् । सोही विषयमा विपक्षी गठबन्धन हस्ताक्षरसहित नै सर्वोच्च अदालतमा रिट दायर गर्ने तयारीमा छ ।
रिट हाल्न नेपाली कांग्रेस, माओवादी केन्द्र, एमालेको माधव नेपाल समूह, जसपाको उपेन्द्र–बाबुराम समूह र राष्ट्रिय जनमोर्चाले सांसदहरुको हस्ताक्षर, नागरिकताको फोटोकपीसहितका दस्तावेज तयार पारेका छन् ।