काठमाडौं । आइसिसी टी–२० विश्वकपमा भारतले बंगलादेशलाई हराएको छ । सुपर आठको खेलमा भारतले लगातार दोस्रो जित निकाल्यो । बंगलादेशले भने लगातार दोस्रो पराजय भोगेको छ । भारतले बंगलादेशलाई ५० रनले जितेको छ । भारतले दिएको १९७ रनको लक्ष्य पछ्याउने क्रममा बंगलादेशले ८ विकेट गुमाएर १४६ रन मात्रै बनाउन सक्यो। बंगलादेशका लागि कप्तान नजमुल हुसेन शान्तोले सर्वाधिक ४० रन बनाए। उनले ३२ बलमा १ चौका र ३ छक्का हाने।
तान्जिड हसनले ३१ बलमा ४ चौका हानेर २९ रन जोडे। रिशद हुसेनले १० बलमा १ चौका र ३ छक्का हानेर २४ रनको योगदान गरे। ओपनर लिटन दास र महमुद उल्लाहले १३र१३ रन, शाकिब अल हसले ११ रन जोडे। बलिङतर्फ भारतका कुलदीप यादवले तीन विकेट, अर्शदीप सिंह र जसप्रित बुमराहले २र२ तथा हार्दीक पाण्ड्याले एक विकेट लिए।
पहिले ब्याटिङ गरेको भारतले ५ विकेट गुमाएर १९६ रन बनाएको थियो। हार्दीक पाण्ड्या अर्धशतक हानेर नट आउट रहे। उनले २७ बलमा ४ चौका र ३ छक्का प्रहार गरी ५० रन बनाए। विराट कोहलीले २८ बलमा १ चौका र ३ छक्का हानेर ३७ रन बनाए। रिशभ पन्तले २४ बलमा ४ चौका र २ छक्का हानेर ३६ रन जोडे। बलिङमा बंगलादेशका तान्जिम हसन शकिब र रिशद हुसेनले २–२ तथा शाकिब अल हसनले १ विकेट लिए।