काठमाडौं । डिसेम्बर २०१९ मा चीनको वुहानबाट शुरु भएको कोरोना भाइरसको संक्रमण विश्वभर १० करोड मानिसमा पुगेको छ । विश्व स्वास्थ्य संगठनका अनुसार बिहीबार बिहानसम्मको आंकडा अनुसार १० करोड नौ लाखभन्दा धेरै मानिसले यो भाइरसको सामना गरेका छन् ।
यसमध्ये २१ लाख ६९ हजार मानिस भने यो भाइरससँग पराजित भई मृत्युवरण गर्न बाध्य भएका छन् । सात करोड २९ लाखभन्दा धेरै मानिस भने यो लडाईमा सफल बनेका छन् । कोरोनाबाट सबैभन्दा बढी प्रभावित अमेरिका हो । यहाँ २ करोड ६० लाखभन्दा धेरै व्यक्तिलाई कोरोना भाइरस सङ्क्रमण भएको छ ।
कोरोनाका कारण अमेरिकामा मात्र ४ लाख ३५ हजारभन्दा धेरैको ज्यान गएको छ । कोरोनाबाट प्रभावित दोस्रो मुलुक भारत हो । यहाँ १ करोड ६९ लाखभन्दा धेरै व्यक्तिलाई कोरोना भाइरस सङ्क्रमण भएको छ ।
कोरोनाका कारण भारतमा १ लाख ५३ हजारभन्दा धेरैको ज्यान गएको छ । भारतमा मृत्युदर भने कम रह्यो । ब्राजिलमा अहिलेसम्म ९ लाख ३६ हजारभन्दा धेरैमा कोरोना भाइरस सङ्क्रमण भएको छ । यहाँ २ लाख १८ हजारभन्दा धेरैको ज्यान गएको छ ।