काठमाडौं । संयुक्त राष्ट्रसंघको महासभामा रुसले गरेको युक्रेन आक्रमणको विरुद्धमा नेपालसहित विश्वभरबाट १४१२ मुलुक उभिएका छन् । ५ मुलुक रुसको समर्थनमा देखिएका छन् । भारत र पाकस्तानसहित ३५ देशले भने कुनै पनि मुलुकको पक्षमा भोट दिएनन् । उनीहरु अनुपस्थित भए । कुल १९३ मुलुक संयुक्त राष्ट्रसंघमा आवद्ध रहेका छन् । मतदानमा भाग नलिने मुलुकमा चीन, श्रीलंका, बंगलादेश समेत सामेल छन् । संयुक्त राष्ट्रसंघले विशेष महासभा बोलाएर आक्रमण विरुद्धको जनमत लिएको हो । यस महासभामा कुल १२० देशका प्रतिनिधिले आफ्नो धारणा राखेका छन् ।
२४ फेब्रुअरीमा रुसले युक्रेनमा हमला थालेसँगै विश्वभर तेस्रो विश्वयुद्धको आशंका मडारिएको हो । यस अवस्थामा संयुक्त राष्ट्रसंघको भूमिका महत्वपूर्ण मानिन्छ । नेपालको दुबै छिमेकी मुलुक चीन र भारत तथस्त बस्दै अप्रत्यक्ष रुपमा रुसको समर्थन गरेका छन् । किनकी भारत र रुसबीच ठूलो सैन्य व्यापारको मामला रहेको छ । चीन भने पश्चिमा मुलुकको विरोधी भएका कारण समेत स्वभाविक रुपमा उ रुसको पक्षमा रहन्छ । यस पटक नेपालले भने खुलेरै रुसको विरोध जनाएको हो ।