काठमाडौं । प्रमुख प्रतिपक्षी नेपाली कांग्रेसले प्रतिनिधि सभाको बैठक अवरुद्ध गरेको छ । शुक्रबार बोलाइएको पहिलो बैठकमा सुरुमै उठेका कांग्रेस सांसदहरु सांसद गगन थापा बोलिसकेपछि नाराबाजीमा उत्रिएकृा थिए । त्यसपछि सभामुखले १५ मिनेटका लागि बैठक स्थगित गरेका थिए । त्यसपछि सुरु बैठकमा समेत कांग्रेस नाराबाजीमा उत्रिएको थियो ।
बैठक सुरु भएलगत्तै कांग्रेस सांसदहरू वेल घेराउ गर्न पुगेका थिए । कांग्रेस सांसदहरूको नाराबाजीबीच सभामुख देवराज घिमिरेले उपप्रधान तथा गृहमन्त्री रवि लामिछानेलाई समय दिएका थिए । रोष्टममा जान अगाडि बढेका उनलाई कांग्रेस सांसदहरूले रोकेका थिए । त्यसपछि सभामुखले संसद बैठक १ जेठसम्मका लागि स्थगित गरेका छन् ।