काठमाडौं । जिल्ला अदालत, काठमाडौंले क्रिकेटर सन्दीप लामिछानेलाई थप ५ दिन थुनामा राखेर अनुसन्धान गर्न अनुमति दिएको छ। बलात्कार अभियोगमा प्रहरी हिरासतमा रहेका लामिछानेलाई बिहीबार प्रहरीले जिल्ला अदालतमा उपस्थित गराएको हो । अदालतले उनलाई थप ५ दिन थुनामा राखेर अनुसन्धान गर्न अनुमति दिएको हो । उनी असोज २० मा पक्राउ परेका थिए ।
लामिछानेलाई यसअघि अदालतले ७ दिनको म्याद दिएको थियो। भदौ ५ गते १७ वर्षीय नाबालिगमाथि जबरजस्ती करणी गरेको भन्दै भदौ २१ गते प्रहरी वृत्त गौशालामा सन्दीपबिरुद्ध जाहेरी परेको हो । अमेरिकाबाट गत बिहीबार नेपाल फर्किएका उनलाई त्रिभुवन अन्तर्राष्ट्रिय विमानस्थलबाट प्रहरीले पक्राउ गरेको हो ।