काठमाडौं । सल्यानमा बुधबार बिहान भएको जिप दुर्घटनामा ८ जनाको मृत्यु भएको छ । जिल्लाको कपुरकोटमा जीप दुर्घटनामा परेको प्रहरीले जनाएको छ । बाँकेको कोहोलपुरबाट सल्यान रिङका लागि छुटेको रा१ज ५६३ नम्बरको जीप सल्यानको कपुरकोट गाउँपालिका ३ मुलपानी भन्ने स्थानमा दुर्घटनामा परेको हो ।
जिल्ला प्रहरी कार्यालय सल्यानका प्रवक्ता सन्तोष खनालले सञ्चारमाध्यमलाई जानकारी दिए अनुसार दुर्घटनामा ८ जना मृत्यु भएको हो ,। मृतक सल्यानको कपुरकोटकै विभिन्न वडाका हुन् । उनीको सनाखत भएको छैन । दुर्घटनामा सख्त घाइते एक जनाको उपचारका लागि दाङको तुलसीपुर लैजाने तयारी छ । जीप बुधबार बिहान करिब ३ बजे भीरबाट १५० मिटर तल खसेको थियो । जीपमा ९ जना सवार थिए ।