सल्यानमा बस दुर्घटना, कम्तिमा ९ जनाको मृत्यु

सल्यान । सल्यानमा यात्रुबाहक बस दुर्घटना हुँदा कम्तिमा आठ जनाको मृत्यु भएको छ । बसमा २६ जना यात्रु सवार रहेको प्रहरीले जनाएको छ । गम्भीर घाइतेहरुको उपचार जारी रहेको छ । मृतकको संख्या बढ्न सक्ने बताइएको छ । सल्यानबाट दाङको तुलसीपुरतर्फ जाँदै गरेको रा१ख २५५२ नम्बरको बस दुर्घटना हुँदा आठ जनाको मृत्यु भएको जिल्ला प्रशासन कार्यालय सल्यानकी प्रमुख जिल्ला अधिकारी लक्ष्मी देवी होमागाई खतिवडालाई उदृत गर्दै स्थानीय संचारमाध्यमले जनाएका छन् । आइतबार मध्याह्न १२ बजे राप्ती लोकमार्गको कपुरकोटको खारखोला भन्ने स्थानमा बस दुर्घटनामा परेको हो । बस सडकबाट २ सय मिटर तल खसेको छ । प्रहरी र स्थानीय उद्धारमा जुटेको खबर छ ।