काठमाडौं । शारीरिक अस्वस्थताका कारण निवासमै आराम गरिरहेका प्रधानमन्त्री केपी शर्मा ओली सार्वजनिक कार्यक्रममा जान थालेका छन् । उनी सोमबार भक्तपुरको सूर्यविनायक नगरपालिकाको कटुञ्जेस्थित नवनिर्मित प्रशासकीय भवनको उद्घाटनमा पुगेका थिए । सो कार्यक्रममा बोल्दै नउले सत्ता खिचातानीमा मात्रै केन्द्रित हुने प्रवृत्तिबाट देशलाई मुक्त बनाउँदै दुई ठूला दलको सहकार्यमा बनेको वर्तमान सरकार विकास र स्थिरताको बलियो आधार भएको बताए । उनले राजतन्त्रको पालामा शासन टिकाउन मरिमेट्दा विकास राम्ररी हुन नसकेको र लोकतन्त्रयताका विकास निर्माणको गति बेग्लै भएको दावि गरे । काम गर्ने खालको पार्टी सरकारमा नभएर विकास नहुने भन्दै उनले देश साँच्चै अप्ठ्यारोमा परेकाले दुई ठूला दलको सहकार्यमा देशलाई एकताबद्ध बनाउँदै सरकारले विकासको अगुवाइ गर्ने दावि समेत गरे ।
प्रधानमन्त्री ओलीले पूर्वसहमतिअनुसार अहिले आफूले कांग्रेसबाट पूराका पूरा साथ पाएको र भोलि कांग्रेस नेतृत्वको सरकारलाई पनि एमालेले पूराका पूरा साथ दिने ब्त्ँउ । उनले संसद्को हिउँदे अधिवेशनलाई कानुन निर्माणका व्यापक काम दिने पनि जनाउँदै सहमति भए चाँडै संविधान संशोधन हुने र सहमति नभएमा केही समय लाग्ने स्पष्ट गरे ।