काठमाडौं । काठमाडौंको सिनामंगलबाट प्रहरीले ११ जना अफगानी नागरिकलाई पक्राउ गरेको छ । उनीहरुलाई प्रहरीले अध्यागमन विभागमा बुझाएको छ । प्रहरीको केन्द्रीय अनुसन्धान ब्यूरोले पक्राउ गरेका ११ जनालाई अध्यागमन ऐन अनुसार कारबाहीका लागि विभागमा बुझाएको जानकारी गराएको हो । अफगानी नागरिक अवैध रुपमा नेपाल प्रवेश गरका हुन् । अफगानिस्तानमा तालिबानीले सत्ता हातमा लिएपछि भारतको बाटो हुँदै उनीहरु नेपाल छिरेको बताइएको छ ।
अब उनीहरुमाथि अध्यागमन ऐन अनुसार कारबाही अगाडी बढ्ने भएको छ । सीआईबीको टोलीले अमनुल्लाह मोहम्मदी, अजमल सरिफी, अकम जाजाइ, रोमल होटक, इसनुल्लाह हसेमी, इमरान अलि जादा, मोहम्मद जमराइ सनिकजाई, नजिफा स्तानिकजाइ, मिस्बाह जैनव स्तानिकजाइ, नुरुल हाया स्तानिकजाई, मोहम्मद रायन स्तानिकजाई लाई पक्राउ गरेको हो ।