काठमाडौं । सिरियामा हतियारधारी समूहको एम्बुसमा परी २० जना सुरक्षाकर्मी मारिएका छन् । साथै केही घाइते छन् । मानवअधिकार सम्बन्धी कतिपय संस्थाले भने मृत्यु हुनेको संख्या २३ रहेको र १० जना घाइते भएको जनाएका छन् । शुक्रबार दिर अज जोर प्रान्तको पूर्वी सहर मायादीनमा सुरक्षाकर्मी चढेको बस एम्बुसमा पारिएको थियो ।
सरकारले भने आईएसआईएलमाथि आक्रमणको आरोप लगाउँदै आएको छ । सन् २०१९ मा आईएसआईएललाई सरकारी फौजले हराए पनि यसका लडाकुहरू अझै सिरियाका विभिन्न स्थानमा आक्रमण सक्रिय छन् । यसबीचमा उनीहरूले घातक हमला गरिसकेका छन् ।
उक्त प्रान्त इरान र रुसको समर्थनको सिरियाली फौज र अमेरिकी समर्थनमा बनेको कुर्दीश नेतृत्वको लडाकुहरूको कब्जामा विभाजित छ । पछिल्लो समय आईएसआईएलले यस क्षेत्रमा सर्वसाधारणसहित कुर्दीश नेतृत्वका लडाकु र सरकारी सुरक्षाकर्मीहरूलाई निशाना बनाउँदै आएको छ ।