काठमाडौं । सिरिया सरकारले बीबीसीमाथि पक्षपातपूर्ण तथा भ्रामक रिपोर्ट प्रसारण गरेको आरोप लगाएको छ । उसले बीबीसी पत्रकारको मान्यता पनि रद्द गरिदिएको छ । सिरियाको सूचना मन्त्रालयले बीबीसीले व्यवसायिक आचरणको पालनामा चुचेको बताएको छ । हालै ड्रग कारोबारबारे बीबीसीले एक रिपोर्ट बनाएको थियो । जसमा केप्टागोन ड्रगको कारोबार र राष्ट्रपति बशर अल असदको परिवारबीच सम्बन्ध रहेको दावि गरिएको थियो ।
बीबीसीले भने संस्था निष्पक्ष र स्वतन्त्र पत्रकारितामा अडिग रहेको बताएको छ । बीबीसी न्यूज़ अरबले अघिल्लो महिना एक खोजपूर्ण रिपोर्ट प्रकाशित गरेको थियो । जसमा केप्टागोन ड्रगको कारोबारमा सिरियाका सैन्य बलका वरिष्ठ सदस्य र असद परिवारका बीचमा सम्बन्ध रहेको खुलासा गरेको थियो ।