काठमाडौं । म्यानमारमा सेनाको कुविरुद्ध नेपाल सरकारले समेत प्रतिक्रिया दिएको छ । सरकारले प्रजातान्त्रिक र संवैधानिक प्रक्रिया छिट्टै नै पुनर्स्थापित हुने विश्वास व्यक्त गर्दै प्रजातन्त्रवादी नेताहरुलाई तत्काल रिहाईको समेत माग गरेको छ । परराष्ट्र मन्त्रालयले सोमबार साँझ प्रेस विज्ञप्ति निकाल्दै म्यानमार घटनालाई नजिकबाट नियालिरहेको जनाएको छ ।
म्यानमारी सेनाको नियन्त्रणमा रहेका राष्ट्रपति र स्टेट काउन्सिलर आङ साङ सुकीको सुरक्षाबारे चासो राख्दै सरकारले उनीहरुलाई रिहा गर्न भनेको छ । नेपाली कांगे्रसका सभापति शेर बहादुर देउवाले समेत म्यानमार घटना निन्दनिय भएको भन्दै प्रजातन्त्र पुनर्बहालीमा जोड दिएका छन् । म्यानमारमा सेनाले सत्ता हत्याएको विरुद्धमा सोमबार माइतिघरमा नागरिक समाजले विरोध प्रदर्शन समेत गरेको छ ।