सुनसरी । सुनसरीमा मोटरसाइकल दुर्घटनामा परी दुई जनाको ज्यान गएको छ । सुनसरीको रामधुनी–२ शिवनगरस्थित भित्री सडकखण्डमा मोटरसाईकल दुर्घटनामा दुई जनाको मृत्यु भएको प्रहरीले जनाएको छ । मृत्यु हुनेमा मोटरसाईकल चालक रामधुनी–२ शिवनगरका २४ वर्षीय निमेश चौधरी र मोटरसाईकल पछाडी बसेका सोही स्थानका २३ वर्षीय जिवन चौधरी छन्।
शनिवार राति साढे ८ बजे को २६ प ५६५१ नम्बरको मोटरसाईकल सडक किनारमा रोकिएको को २ त ९८७६ नम्बरको ट्याक्टरको ट्रलीमा ठोकिएको थियो । दुर्घटनामा गम्भिर घाईते भएका उनीहरुको उपचारका क्रममा ज्यान गएको हो ।