काठमाडौं\एजेन्सी । सोमालियाको राजधानी मोगादिशु शहरको दक्षिणी हिस्सास्थित एक सैन्य अड्डामा आत्मघाती बम विष्फोट भएको छ । विष्फोटबाट कम्तिमा १५ जनाको मृत्यु भएको र डेढ सय भन्दा बढी घाइते भएको स्थानीय सञ्चारमाध्यमले जनाएका छन् । आत्मघाती बमबारी कसेल गराएको भन्ने स्पष्ट नभएको समेत समाचारमा उल्लेख छ ।
राज्य संचालित सोमाली नेशनल न्यूज एजेन्सीले भने हमलामा अल–शबाबको हात रहेको बताएको छ । यो समूहले गत साता मात्र दुई वटा कार बम विस्फोट गराएको थियो । ति विष्फोटमा १ सय भन्दा बढी मारिएका थिए । ३ सय भन्दा धेरै घाइते भएका थिए । यो समूह अल–कायदासँग जोडिएको छ ।