काठमाडौं । अफ्रिकी मुलुक सोमालियामा राष्ट्रपति भवन नजिकै आत्मघाती बम विष्फोट भएको छ । अन्तर्राष्ट्रिय संचारमाध्यमहरुका अनुसार राजधानी मोगादिसुस्थित राष्ट्रपति निवास नजिकै आत्मघाती कार बम विस्फोट भएको हो । घटनामा कम्तीमा ७ जना मारिएका छन् । आठ जना घाइते भएका छन् । राष्ट्रपति निवास नजिकैको सडकमा शनिबार बम विस्फोट भएको रोयटर्सले लेखेको छ ।
सीलगाब जंक्सनमा कार बम विस्फोट भएको छ । घटना कार पार्किंग गरिएको स्थानमा भएको छ । जहाँ ७ वटा कार र ३ रिक्सा बमले उडाएको थियो । विस्फोटको जिम्मा कुनै पनि समूहले लिएको छैन । सोमालियामा अल सबाब नामक समूहले आपराधिक गतिविधि बढाइरहेको बेला सोही समुहतर्फ आंकका गरिएको छ ।