कैलाली । कैलालीमा हँसिया प्रहार गरी एक जनाको हत्या भएको छ । हत्या मृतकका भिनाजुबाटै भएको प्रहरीले जनाएको छ । हँसियाले लाग्दा जोशीपुर गाउँपालिका वडा नम्बर ६ का ३३ वर्षीय पदमराज भण्डारीको मृत्यु भएको हो। भिनाजु नाता पर्ने स्थानीय ५० वर्षीय गौरीलाल ढुङ्गानाले भण्डारीलाई हँसिया प्रहार गरेका थिए। हँसिया प्रहारबाट अर्का सालो ४० वर्षका जयराज भण्डारी गम्भीर घाइते भएको समेत प्रहरीको भनाई छ ।
घाइते जयराजलाई कोहलपुरको अस्पतालमा उपचार जारी छ । घटना मंगलबार बेलुकी करिब ९ बजेतिरको हो। हँसिया प्रहार गर्ने ढुंगाना घटनापछि फरार रहेको प्रहरीले जनाएको छ। घटनाबारे थप अनुसन्धान भइरहेको समेत जनाइएको छ ।