हैटीमा ७.१ रेक्टर स्केलको शक्तिशाली भूकम्प, कम्तिमा ३ सयको मृत्यु

काठमाडौं । हैटीमा सात दशमलव एक रेक्टर स्केलको शक्तिशाली भूकम्प गएसँगै अहिले मानिसहरु सुरक्षित स्थानमा जम्मा भएका छन् । अन्तर्राष्ट्रिय संचारमाध्यमहरुका अनुसार राजधानी पोर्ट अफ प्रिन्सबाट एक सय ५० किलोमिटर पश्चिम केन्द्रबिन्दु बनाएर भूकम्प गएको हो । अमेरिकी भूगर्भ सर्वेक्षणले यसको पुष्टी गरेको छ । भूकम्प आएपछि मानिसहरु घरबाहिर भागेका छन् । अहिलेसम्म ३०० जनाको मृत्यु भएको पुष्टी अलजजिरारले लेखेको छ । क्षतिको विस्तृत विवरण आधिकारिक सार्वजनिक भइसकेको छैन । हैटी भूकम्प प्रभावित मुलुक हो । यहाँ सन् २०१० मा मात्र शक्तिशाली भूकम्पबाट हजारौँ मानिसको मृत्यु भएको थियो । ११ वर्ष अघि भएको भूकम्पको पुनःनिर्माण समेत अझै सकिएको छैन ।