काठमाडौं । यस पटक भाइटीकाको उत्तम साइत ११ बजेर २ मिनेटमा रहेको नेपाल पञ्चाङ्ग निर्णायक समितिले जानकारी गराएको छ । भाइटिका कात्तिक २० गते शनिवार परेको छ । समितिका अनुसार सम्भव भएमा सो साइतमा टिका लगाउनु राम्रो मानिन्छ ।
उत्तम साइतमा टीका लगाउन नभ्याउने अवस्थामा समेत १२ बजेभित्र टीका लगाउन सकिने बताइएको छ र शास्त्रमा उल्लेख भए अनुसार मनुष्यको पूजा मध्यान्नकाल भित्रै गर्नुपर्ने भएकाले ज्योतिषीहरुले यस्तो सुझाव दिने गरेका छन् । त्यसो त भाइटिकाको दिन दिनभर नै टिका लगाउने प्रचलन रहेको छ । यसपटक तिहारको तिथि घटबढ भएका कारण काग तिहार र कुकुर तिहार एकै दिन मनाइदैछ । दुबै तिथी बुधबार परेको छ । बिहीबार लक्ष्मीपूजा हुनेछ ।