काठमाडौं । प्रतिनिधिसभातर्फ शनिबार बिहानसम्म कुल १४६ सिटको नतिजा आएको छ । प्रत्यक्षमा कुल १६५ सिटका लागि निर्वाचन भएको हो । यसमा प्रत्यक्षमा नेपाली कांग्रेस पहिलो स्थानमा छ । कांग्रेसले ४९ सिटमा विजयी नतिजा निकालेको छ । कांग्रेसका ५ उम्मेदवार मत गणनामा अगाडी छन् । एमालेले ३८ सिटमा जित निकालिसकेको छ । उसका ६ उम्मेदवार अगाडी छन् । माओवादी केन्द्रले १६ सिटमा जित हाँसिल गरेको छ । उसका २ उम्मेदवार अगाडी छन् ।
एकीकृत समाजवादीले १० सिटमा जित निकालेको छ । राष्ट्रिय स्वतन्त्र पार्टीले ७ सिटमा जितेको छ । एक सिटमा अग्रता लिइरहेको छ । राप्रपाले ६ सिटमा जितेको छ । एक स्थानमा अग्रता लिइरहेको छ । जसपाले ५, लोसपाले ४ र नागरिक उन्मुक्ति पार्टीले ३ स्थानमा वियजी हाँसिल गरेका छन् । स्वतन्त्रसहित अन्य दल ८ स्थानमा विजयी भएका छन् ।