काठमाडौं । नेपालमा १८ वर्ष भन्दा मुनीका बालबालिकालाई लगाउने प्रयोजनका लागि कोभ्याक्स सुविधाअन्तर्गत प्राप्त कोरोनाविरुद्धको करिब १५ लाख मोडर्ना खोप बिहीबार नेपाल आइपुग्दैछ । स्वास्थ्य सेवा विभागले यस्तो जानकारी गराएको हो । बिहीबार १४ लाख ९७ हजार छ सय डोज मोडर्ना खोप आउन लागेको हो । यसअघि गत शुक्रबार एक लाख ८८ हजार चार सय डोज मोडर्ना खोप नेपाल आएको छ ।
त्यसो त बुधबार समेत कोभिशिल्ड खोप नेपाल आएको छ । नेपालमा अहिलेसम्म कुल एक करोड ९२ लाख ८५ हजार १९७ मात्रा खोप वितरण भइसकेको ेछ । एक करोड पाँच लाख चार हजार ७६४ जनाले पहिलो मात्रा र ८७ लाख ८० हजार ४३३ जनाले पूर्ण मात्रा खोप लगाएका छन् । सरकारले आगामी चैत भित्र सबै नागरिकमा खोप वितरण गरिसक्ने लक्ष्य लिएको छ ।