काठमाडौं । नेपालमा शुक्रबारसम्म १ लाख ७१ हजार ४ सय ८६ जनाले कोरोनाविरुद्धको खोप लगाएका छन् । ७७ जिल्लाका २ सय १ खोप केन्द्रबाट १ लाख ७१ हजार ४ सय ८६ व्यक्तिले कोरोनाविरुद्धको खोप लगाएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार प्रदेश १ मा २३ हजार ८२, प्रदेश २ मा २२ हजार ७ सय ५६, बागमती प्रदेशमा ५९ हजार ९ सय ४२, गण्डकीमा १७ हजार ३ सय १५, लुम्बिनीमा २६ हजार ८ सय ९८, कर्णालीमा ८ हजार ६ सय ८४ र सुदूरपश्चिममा १२ हजार ८ सय ९ जनाले खोप लगाएका छन्।
मन्त्रालयका प्रवक्ता डा. जागेश्वर गौतमले पहिलो चरणको खोप शनिबार सम्म लगाइने छ । दोस्रो चरणअन्तर्गत लगाइने खोप चाँडै जानकारी दिनेसमेत उनले उल्लेख गरेक छन् ।