काठमाडौं । नेकपा एमालेले माधव नेपाल समूहको माग अनुसार २०७५ जेठ २ को हैसियतमा पार्टीको बैठक बोेलाउने निर्णय गरेको छ । अध्यक्ष केपी शर्मा ओली पक्षका नेता मात्र सहभागी स्थायी कमिटीको मंगलबारको बैठकले यस्तो निर्णय गरेको हो । बैठकले आगामी बिहीबार एकतापूर्वको केन्द्रीय कमिटी बैठक बोलाउने निर्णय गरेको छ । एमालेको दशौं राष्ट्रिय महाधिवेशन आयोजक समितिको बैठक आजका लागि बोलाइएको छ ।
दुबै बैठकमा माधव कुमार नेपाल पक्षका नेता भने सहभागी छैनन् । सर्वोच्च अदालतका आदेशहरु, संसद विघटनका मुद्दा र पार्टीको विवादलाई एकतावद्ध बनाएर पार्टी एकता कायम राख्न प्रयास गरिएको पार्टीको भनाई छ । सर्वोच्च अदालतको २३ फागुनको आदेशले पुनस्र्थापित एमालेका अध्यक्ष केपी शर्मा ओलीले २८ फागुनमा आफू पक्षीय नेताहरुको बैठक राखेर नवौं महाधिवेशनबाट निर्वाचित पदाधिकारीहरु हटाउने, दशौं महाधिवेशन आयोजक कमिटी बनाउने लगायतका निर्णय गरेका थिए ।
नेताहरुमाथि गरिको कारबाही फिर्ता लिएर एकता प्रयास चलिरहेका बेला संसद भंग गर्न खोजेको भन्दै नेपाल पक्षका २६ सांसदले कांग्रेस सभापति शेरबहादुर देउवालाई प्रधानमन्त्री बनाउन हस्ताक्षर गरेका छन् । यो मुद्दा सर्वोच्चमा विचाराधिन अवस्थामा छ ।