क्यानाडादेखि अस्ट्रेलिया जाँदै गरेको एक जहाज अकल्पनीय टर्बुलेन्समा पर्दा दर्जनौ यात्रु घाईते भएका छन् । अस्ट्रेलिया जाँदै गरेको एयर क्यानाडा उडानले ३७ जना घाईतको उपचारार्थ हिजो बिहिबार हनलुलुमा आकस्मिक अवतरण गरेको थियो । घाईते मध्ये ९ जनालाई गम्भिर चोट लागेको बताईएको छ । ३० जनालाई उपचारको लागि अस्पताल लगिएको छ । धेरै उचाईमा उडेको जहाज टर्बुलेन्समा परेपछि जहाज एक्कै पटक निक्कै तल झरेको कारण यात्रुहरु लगेज कम्पार्टमेण्टमा र जहाजको सिलिङ्गमा ठोक्किन पुगेका थिए ।
जहाजले हवाईबाट २ घण्टा टाढाको दुरी तय गरि सकेको थियो । तर जानकारी बिनाको डरलाग्दो टर्बुलेन्समा जहाज परेपछि हनलुलु फर्काईएको एयर क्यानाडाको प्रबक्ता एन्जिला महले जारी गरेको बिज्ञप्तिमा जनाईएको छ । जहाजमा यात्रा गरेका यात्रुले भनेका छन् “जहाज टर्बुलेन्समा परेपछि पाईलटले रेडियोमा भनेका थिए, टर्बुलेन्सलाई राडारमा देखिएको थिएन । त्यस्तो एयर ड्रप हुदैछ भन्ने चेतावनी देखिएको थिएन” ।
बोईङ्ग ७७७-२०० मा जम्मा २६९ जनाले यात्रा गरी रहेका थिए भने जहाज हनलुलु भन्दा ९ सय ६६ किलोमिटर दक्षिण पश्चिम तर्फ ३६ हजार फिटमा उडिरहेको थियो ।
श्रोत : याहु न्युज