काठमाडौं । ८ कात्तिकबाट नेपालमा प्रशारण हुने सबै प्रकारका विदेशी च्यानलको विज्ञापन हट्नेछ । विज्ञापन हटाउन नमिल्ने विदेशी च्यानल भने सरकारले बन्द गराउने छ । सोहीअनुसार तयारी शुरु भएको सूचना तथा संचार प्रविधि मन्त्रालयले जानकारी दिएको छ ।
विज्ञापन नियमन गर्ने सम्बन्धमा व्यवस्था गर्न बनेको ऐन २०७६ ले ७ कात्तिक २०७७ सम्म विदेशी च्यानल नेपालमा विज्ञापनरहित बनिसक्नु पर्ने नियम ल्याएको छ । यो व्यवस्थ कार्यान्वयनका लागि सेवा प्रदायकले तयारी थालेका छन् । नेपालमा प्रशारण होस भन्ने चाहना राख्ने र यहाँ ग्राहक देख्ने च्यानलले क्रमशः उपकरण ल्याएर जडान थालिसकेका छन् ।
अनिच्छुक कम्पनीहरुले भने नेपालमा प्रशारण बन्द गर्नेछन् । २०७५ कात्तिक ८ गते राजपत्रमा प्रकाशित भएको ऐनले क्लिन फिडमा जान सेवा प्रदायकलाई एक वर्ष समय दिएको हो ।
भारतीय प्रसारकले नेपालमै क्लिन फिड गर्ने भएपछि अब विज्ञापन बज्ने समयमा स्क्रिन खाली देखिने भएको छ । सरकारले २०७४ साउन १ गतेदेखि नै ‘क्लिन फिड’ लागू गर्ने निर्णय गरेको हो ।