रोम । कोरोना त्रास अहिले यूरोपमा डरलाग्दो गरी फैलिएको छ । यसले सबैभन्दा ठूलो प्रभाव इटलीमा पारेको छ । युरोपेली देश इटलीमा कोरोना भाइरसका कारण एकै दिन २ सय ५० जनाको मृत्यु भएको विश्व स्वास्थ्य संगठनले जानकारी दिएको छ ।
यो संख्या कोरोना भाइरसका कारण एकै दिनमा मानिस मरेको सबैभन्दा धेरै हो । चीनमा साम्य भएपनि अहिले इटलीमा भयाभह अवस्था सिर्जना गरेको छ ।
हालसम्म इटलीमा कोरोना भाइरस संक्रमणका कारण मृत्यु हुनेको संख्या १ हजार २ सय ६६ पुगेको छ ।
यस देशमा संक्रमितको संख्या १७ हजार ६ सय ६० भन्दा बढी रहेको संगठनले जनाएको छ ।
डब्लूएचओका अनुसार हालसम्म १ सय २३ वटा देशमा कोरोना भाइरस संक्रमित फेला परेका छन् । इटलीपछि इराना बढी संक्रमित देखा परेका छन् ।
यसैबीच, चीनले शुक्रबारसमेत ९ जना विशेषज्ञ डाक्टरसहित सयौं टन सहायता सामग्री बोकेको जहाज इटली पठाएको छ ।
इटलीमा फैलिएको महामारी नियन्त्रणमा चीनले सहयोगको हात बढाएको छ ।
यूरोपेली मुलुकमा कोरोनाको सन्त्राससँगै संगठनले यूरोपलाई कोरोनको इपिसेन्टर घोषणा गरेको छ । यसको मतलव अब चीन यसको संकटबाट उम्किएको छ ।