काठमाडौं । कतारको दोहामा नेपालीमाथि सांघातिक आक्रमण भएको भन्दै नेपाली दूतावासले भिडभाडमा नजान नेपालीहरुलाई सचेत गराएको छ ।
दोहामा भएको सांघातिक आक्रमणमा एक जनाको निधन भएको र पाँचजना घाइते भएको दूतावासले उल्लेख गरेको छ ।
कतारस्थित नेपाली दूतावासका अनुसार दोहाको जैदा पार्कमा नेपालीमाथि आक्रामण भएको थियो ।
आक्रमणमा परी सुनसरीका तवरेज अन्सारीको निधन भएको दूतावासले पुष्टी गरेको छ । दूतावासले बुधबार विज्ञप्ती जारी गर्दै अन्सारीको शव हमाद अस्पतालमा रहेको उल्लेख गरेको हो ।
घाइतेहरुको पनि सोही अस्पतालमा उपचार भइरहेको छ । उमर अन्सारी, इब्राहिम अन्सारी र नौसाद अन्सारीको उपचार भइरहेको दूतावासले उल्लेख गरेको छ ।
दूतावसले अधिक भिडभाड हुने क्षेत्रमा नजान भन्दै नेपालीहरुलाई सचेत गराएको छ ।
घटनामा परी निधन भएका तथा घाइतको विस्तृत जानकारी परिवारलाई गराइने भन्दै दूतावासले यस घटनामा दोषिमाथि कारवाही गराउन दूतावासले पहल गरिरहेको बताएको छ ।