काठमाडौं । सरकारले गणतन्त्र दिवसको अवसर पारेर ८३४ जनाको कैद सजाय माफी दिएको छ । मन्त्रिपरिषद्को सिफारिसमा राष्ट्रपति विद्यादेवी भण्डारीबाट यस्तो निर्णय भएको राष्ट्रपति कार्यालयले जनाएको छ । खड्ग श्रेङ लिम्बु समेत २७१ जना र नरबहादुर साँवा समेत ५४७ जनाको बाँकी कैद सजाय मिनाहा गरिएको हो । उनीहरुले आइतबारबाट यस्तो माफी पाउने भएका हुन् ।
संविधानको धारा २७६ र मुलुकी फैजदारी कार्यविधिको दफा १५९ बमोजिम उमाकान्त पराजुलीसहित १६ जनाको कैद सजाय माफी भएको छ । सरकारले अचल आचरण भएका, गम्भीर तथा फौजदारी कसुरबाहेक सामान्य अपराधमा सजाय भोगिरहेका र कैदको अधिकांश समय भुक्तान गरिसकेका कैदीको बाँकी कैद माफी दिने प्रावधान रहेको छ । राजनीतिक आस्थाका बन्दीहरु समेत यो समयमा बढी छुट्ने गर्छन् ।