न्युयोर्कको नुवाकोटेको संस्था फोन्नाको अध्यक्षमा भुवनमान डंगोल

न्युयोर्क

अमेरिकाको न्युयोर्क सहरमा भएका नुवाकोट मुलबासीहरुको संस्था ‘फ्रेण्डस् अफ नुवाकोट इन् न्युयोर्क अमेरिका’ फोन्नाको अध्यक्षमा भुवनमान डंगोल सर्वसम्मत चयन भएको छ ।

अगष्ट ३ तारिखमा क्विन्स ब्रिज पार्कस्थित अधिवेशन आयोजना स्थलमा सम्पन्न भएको FONNA को दोश्रो अधिवेशनबाट सर्वसम्मत निर्विरोध भएको हो । नव निर्वाचित अध्यक्ष भुवनमान डंगोल लगायत कार्य समितिका सम्पूर्ण पदाधिकारीहरूलाई संस्थाको संरक्षक विज्ञान खनालले हार्दिक बधाई तथा सफल कार्यकालको शुभकामना व्यक्त गरेका थिए ।

नव निर्वाचित कार्यसमिति

अध्यक्ष: भुवन मान डंगोल
उपाध्यक्ष: लीला अर्याल
सचिव: अर्जुन बगाले
कोषाध्यक्ष: रसिला पाण्डे
सदस्यहरू:
१, दिपक पण्डित
२, रामेश्वर खनाल
३, देवेन्द्र लामा
४, इन्द्र प्याकुरेल
५, भवानी पाण्डे
६, राज लामिछाने
७, कुमार तिमिल्सेना
स्थाई प्रवक्ता:
योगेश आदी

संस्थाका निवर्तमान अध्यक्ष बिष्णु राना मगरले अधिवेशन सम्पन्न गर्न सहयोग गर्नु हुने र भेलामा उपस्थित हुनु हुने सबैप्रति हार्दिक आभार व्यक्त गरेका थिए ।
पहिलो कार्यकाल सफलतापूर्वक सम्पन्न गरेकाले पूर्व अध्यक्ष बिष्णु राना मगरलाई उपस्थित सम्पूर्णले सम्मान गरे ।

संस्थाले आगामी दिनमा थप कर्यक्रमहरु र नुवाकोटको चासो र सरोकारमा कार्य गर्न जिल्ला कार्यदल समेत संचालन गर्ने प्रतिबद्दता नवनिर्वाचित अध्यक्षले जानकारी गराए । कार्यक्रममा जिल्लावासीहरुले बार्बेक्यु र नाचगान गरेर समयलाई माधुर्य बनाएका थिए ।