काठमाडौं । भारतीय सेनाले नेपाली सेनालाई कोरोनाभाइरस विरूद्धको एक लाख डोज खोप दिएको छ । सैनिक जनसम्पर्क निर्देशनालयका अनुसार खोप आइतबार काठमाडौं आएको हो । सेनाले कोभिड १९ महामारीको प्रतिकार्यमा सहयोग पुर्याउने उद्देश्यसहित भारतीय सेनाबाट नेपाली सेनालाई भ्याक्सिन प्राप्त भएको जनाएको छ ।
भ्याक्सिनको औपचारिक हस्तान्तरण भने केही दिनपछि हुने छ । भारत सरकारले नेपाल सरकारलाई यसअघि नै १० लाख डोजखोप अनुदानमा दिइसकेको छ । नेपाल र भारतका सेनाबीच सुमधुर सम्बन्ध रहेको छ । दुबै मुलुकले एक अर्का मुलुकका सेनापतिलाई मानार्थ सेनापतिको उपाधी दिने प्रचलन रहेको छ ।