Category: फिचर

काठमाडौं । अर्थमन्त्री जनार्दन शर्मा ‘प्रभाकर’ले काठमाडौं सहरको नयाँ ‘भर्सन’ आवश्यक रहेको बताएका छन् ।

बिहीबार लगानी बोर्डको बैठकमा बोल्दैै उनले विकास काठमाडौं केन्द्रित भएकाले अर्को सहरको आवश्यकता रहेको बताएका हुन् ।

उनले धेरै मानिसको बसोबास रहेको क्षेत्रमा नभई दुर्गम क्षेत्रमा नयाँ सहर निर्माण गर्नुपर्ने पनि बताए । उनले वर्तमान परिप्रेक्ष्यमा कम्तिमा तीन वटा ठूला सहरको निर्माण गर्नुपर्ने औँल्याए ।

‘काठमाडौं सहरको नयाँ भर्सन चाहियो । दूर–दराजका ठाउँमा नयाँ काम गर्यो भने त्यहाँ सहर बन्दो रहेछ’, उनले भने, ‘नेपालका यस्ता तीन वटा ठाउँ खोजेर अगाडि बढायौँ भने विकासको अर्को नयाँ ढोका यहाँबाट खुल्नेछ ।’

मन्त्री शर्माले विकासमा सन्तुलन पनि आवश्यक रहेकाले ठूला आयोजना तथा उद्योगहरू लागानी बोर्डले क्षेत्रगत विशिष्टिकरण गरेर गर्नुपर्नेमा जोड दिए । पर्यटन, शिक्षा, पूर्वाधार विकासलगायतका क्षेत्रमा सन्तुलन कायम गरेर ठूला आयोजनाहरू निर्माण गर्नुपर्ने उनको भनाइ थियो ।

उनले पर्यटन क्षेत्रमा ‘सगरमाथा योजना’, ‘रारा योजना’ जस्ता योजनाहरू अघि सार्न लगानी बोर्डलाई भने । त्यस्तै जलविद्युत क्षेत्रमा तीन वटा ठूला जलविद्युत आयोजनाहरू विशेष प्राथमिकतामा राख्न पनि निर्देशन दिए । ‘बूढीगण्डकी, अपर–अरुण र कर्णाली चिसापानी जस्ता ठूला आयोजनामा तपाईँहरूले ध्यान दिनुहोस्’, उनले भने ।

त्यस्तै उनले काठमाडौं–पोखरा–लुम्बिनीका लागि तीव्र गतिको यायाता पूर्वाधार निर्माण गर्नुपर्ने आवश्यकता पनि औँल्याए । यसका लागि अध्ययन गर्न समेत उनले निर्देशन दिए । ‘काठमाडौं–पोखरा, पोखरा–लुम्बिनी फास्ट ट्र्याक वा लिक (रेलको) बनाए पनि भयो । तर द्रूत गतिमा पुग्ने हुनुपर्यो’, उनले भने, ‘यो योजना तपाईँहरूको विशिष्टिकृत योजनामा हुनुपर्यो ।’

काठमाडौं। साताको कारोबार अन्तिम दिन शेयर बजारमा हरियाली छाएको छ ।

बिहीवार शेयर बजार मापक सूचक (नेप्से) ४३.२९ अंकले बढेर २६९२.४७ विन्दुमा पुगेको हो । बुधबार ३० अंकले घटेको शेयर बजारमा आजभने कमब्याक भएको छ ।

नेपाल स्टक एक्सचेन्जका अनुसार बिहीवार २३८ कम्पनीको ४ अर्ब ६७ करोड ६८ लाख ४६ हजार ३४९ रुपैयाँ बराबरको ७३ लाख ३६ हजार ३३४ कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये ११ वटामा बढेको छ भने २ वटा राताम्मे भएको छ । उच्च अंकले बढेको बजारमा बैंकिङ ३५ , होटल तथा पर्यटन ८८, निर्जीवन बीमा २४३, माइक्रोफाइनान्स ५३, जलविद्युत ७२ अंकले बढेको छ ।

विकास बैंक ८८, फाइनान्स २७ , लगानी १ अंक, र अन्य उपसमूह २० अंकले उत्पादन समूह ५ र लगानी समूह १९ अंकले घटेको छ ।

नेप्सेका अनुसार तीन कम्पनीको शेयरमूल्यमा उच्च वृद्धि भएको छ । नेपाल फाइनान्स, तेह्रथुम पावर कम्पनी र मध्यभोटेकोशी जलविद्युत कम्पनी मूल्य १० प्रतिशतले बढेको छ ।

त्यसैगरी, राष्ट्रिय बीमा कम्पनी र मैलुङ खोला जलविद्युत्को सेयर मूल्य साढ ५ प्रतिशतले बढेको छ । त्यस्तै, स्वरोजगार लघुवित्त, सेञ्चुरी कमर्शियल बैंक, एनआइसी एशिया बैंक र माउन्टेन इनर्जीको मूल्य ५ प्रतिशतभन्दा धेरैले बढेको छ ।

चन्द्रागिरि हिल्स, युनाइटेड इदी मार्दी, साहस ऊर्जा, फर्स्ट माइक्रोफाइनान्स, हिमालयन पावर, सिनर्जी पावर र नेपाल एसबीआइ बैंकको मूल्य पनि साढे ४ प्रतिशतभन्दा धेरैले बढेको छ ।

आज अपी पावर कम्पनीको सर्वाधिक कारोबार भएको छ । यसको १६ करोड ३७ करोड बढीको शेयर किनबेच भएको छ । त्यस्तै, एनआइसी एशिया बैकको १३ करोड ५२ लाखको कारोबार भएको छ । नेशनल माइक्रोफाइनान्सको १० करोड बढीको कारोबार भई धेरै कारोबार हुने शीर्ष तीन कम्पनीमा रहे ।

नेपाल बंगलादेश बैंकका डिबेञ्चरधनीले सबैभन्दा धेरै ३.५३ प्रतिशत गुमाएका छन् ।

काठमाडौं । सरकारले उखुको मूल्य प्रतिक्विन्टल ५९० रुपैयाँ समर्थन मूल्य तोकेको छ । बुधबार बसेको मन्त्रिपरिषद् बैठकले मूल्य तोक्ने निर्णय गरेको हो । यसमा सरकारले दिने अनुदान प्रतिक्विन्टल ७० रुपियाँसमेत जोडिएको छ । यो मूल्यमा चिनी उद्योगीले किसानलाई दिने मूल्य प्रतिक्विन्टल ५२० रुपैयाँ हो । यसमा उखुको न्यूनतम लागत ३८२ रुपैयाँ, ढुवानी खर्च ६२ रुपैयाँ र मुनाफा ७६ रुपैयाँ देखिएको छ ।

कृषि तथा पशुपन्छी विकास मन्त्रालयका अनुसार उखुको मूल्य निर्धारण गर्नु अगाडी किसान र चिनी उद्योगीसँग छलफल गरिएको थियो । उद्योगीले उखुको मूल्य प्रतिक्विन्टल ५८० र किसानले ६५० रुपैयाँ हुनुपर्ने माग गरेका थिए । उद्योग मन्त्रालयले मूल्य निर्धारणको प्रस्ताव मन्त्रिपरिषद्मा लगेको हो । सरकारले गत वर्ष उखुको समर्थन मूल्य प्रतिक्विन्टल ५४४ रुपैयाँ ३३ पैसा तोकेको थियो । अअिले पनि किसान यो मूल्यबाट भने सन्तुष्ट छैनन् ।

काठमाडौं । आइफोन निर्माता कम्पनी एप्पल ३० खर्ब अमेरिकी डलर बजार मूल्य भएको विश्वकै पहिलो कम्पनी बनेको छ । एप्पलको सेयर मूल्य बढेर बजार मूल्य ३० खर्ब डलर पुगेसँगै नयाँ रेकर्ड राखेको हो ।

अमेरिकी स्टक एक्सेन्चको तथ्यांक अनुसार नयाँ वर्षको पहिलो दिन एप्पलको सेयर ३ प्रतिशतले बढी १८९.८८ अमेरिकी डलर पुगेको थियो । यो हालसम्मको सबैभन्दा उच्च स्तर हो । यद्यपि, मार्केट बन्द हुनु अघि यसमा थोरै गिरावट आयो ।

तीन वर्ष अघि कम्पनीको बजार मूल्य १० खर्ब थियो । पछिल्लो दुई वर्षमै कम्पनीको बजार मूल्य तेब्बरले बढेको हो । अर्थात्, २ वर्षमा एप्पलको बजार मूल्य २० खर्ब डलर थपिएको हो ।

एप्पलको बजार मूल्य भारतको कुल गार्हस्थ्य उत्पादन (जीडीपी) आकारभन्दा पनि ठूलो हो । हाल भारतीय अर्थतन्त्रको आकार २६ खर्ब डलर रहेको छ । एप्पलको समग्र बजार मूल्य विश्वका प्रमुख १० ठूला अर्थतन्त्र भएका मुलकमध्ये ६ वटा देश बेलायत, भारत, फ्रान्स, इटाली क्यानडा र दक्षिण कोरियाको भन्दा ठूलो हो ।

समाचार एजेन्सी रोयटर्सका अनुसार कम्पनीका भर्चुअल रियालिटी तथा स्वचालित कारलगायत सबैभन्दा बढी बिक्री हुने उत्पादनका कारण लगानीकर्ताहरु आकर्षित भएका हुन् ।

एप्पल कोभिड तथा लकडाउनमा सबैभन्दा बढी कमाउनेमध्ये एप्पल परेको छ । लकडाउनमा विशेषगरी मानिसहरु स्मार्टफोन, ट्याबलेट तथा ल्याउपटमा निर्भर रहेकोले यस्ता उत्पादनको माग बढेको थियो ।

एप्पलको विशेषगरी आइफोनले विक्रीको आधा हिस्सा ओगटेको छ । जबकी यसको आइप्याड, म्याक तथा ट्यावलेटको कारण बढी चर्चामा छ ।

काठमाडौं । केही दिन लगातार बढेको शेयर बजार साताको कारोबारको चौथोदिन घटेको छ ।

तीनदिन १५५.४५ अंकले बढेको शेयर बजार मापक सूचक नेप्से ३०.७५ अंकले घटेर २६४९.२० विन्दुमा झरेको छ ।

नेपाल स्टक एक्सचेन्जका अनुसार बुधवार २३६ कम्पनीको ४ अर्ब ६२ करोड १५ लाख ९८ हजार ५२८ रुपैयाँ बराबरको ९५ लाख ५९ हजार ४२९ कित्ता शेयर किनबेच भएका छन् ।

सूचकमा गिरावट आए पनि कारोबार रकममा भने बढोत्तरी आएको छ । अघिल्लो दिनको तुलनामा कारोबार रकम करिब ३० करोडले बढेर साढे ४ अर्ब रुपैयाँ नाघेको छ ।

आज कारोबारमा आएका १३ समूहको परिसूचक मध्ये ११ वटामा बढेको छ भने २ वटा राताम्मे भएको छ । धेरै गुमाउने होटल तथा पर्यटनका लगानीकर्ता रहेका छन् ।

दोहोरो अंकले घटेको बजारमा बैंकिङ २७, होटल तथा पर्यटन ६९, निर्जीवन बीमा २२८, माइक्रोफाइनान्स ११०, व्यापार समूह ५० अंकले घटेको छ ।

त्यस्तै विकास बैंक ७९, लगानी १ अंकले ,अन्य उपसमूह ३ अंकले र उत्पादन समूह ११० अंकले घटेको छ । जलविद्युत १४ अंकले र फाइनान्स २ अंकले बढेको छ ।

दोहोरो अंकले घटेको बजारमा मध्यभोटेकोशी जलविद्युत कम्पनीको शेयर मूल्यमा पोजेटिभ सर्किट लागेको छ ।

घट्दो बजारमा आज विजय लघुवित्तका शेयरधनीले सबैभन्दा धेरै ४.५५ प्रतिशत गुमाएका छन् । त्यसैगरी, फर्स्ट माइक्रोफाइनान्स, किसान लघुवित्त र सिभिल लघुवित्तको शेयर मूल्य ४ प्रतिशतले घटेको छ ।

त्यस्तै, प्राइम् लाइफ, नेरुडे लघुवित्त, सपोर्ट लघुवित्त, गणपति लघुवित्त, लक्ष्मी इक्वीटी म्युचुअल फण्ड, आरएसडीसी लघुवित्त, महालक्ष्मी विकास बैंक, आशा लघुवित्तसहित डेढ दर्जन कम्प्नीको शेयर मूल्य ३ प्रतिशले घटेको छ ।

आज शिवम् सिमेन्टको सर्वाधिक कारोबार भएको छ । यसको साढे १८ करोड बढीको शेयर किनबेच भएको छ ।

त्यस्तै, अपी पावर १६ करोड र माथिल्लो तामाकोशी १४ करोड बढीको कारोबार भई धेरै कारोबार हुने शीर्ष तीन कम्पनीमा रहे ।