Author: Vishwanews.com

काठमाडौं । अमेरिकी सहयोग परियोजना एमसीसी जसरी पनि पास गर्ने रणनीतिमा रहेका प्रधानमन्त्री शेर बहादुर देउवाले सत्ता गठबन्धनलाई अब सहकार्य गर्न नसकिने जानकारी गराइसकेका छन् । किनकी गठबन्धनमा रहेका अन्य दल एमसीसी सम्झौता पास गर्न नहुने पक्षमा छन् । एमसीसीबारे छलफल गर्न शुक्रबार संसद् बैठक बस्दैछ । त्यस अगाडी नै एमालेलाई फकाएर सहमतिमा ल्याउने दाउमा छन् प्रधानमन्त्री ।

एमाले पनि विगतमा आफुले गरेको गल्ती ढाकछोप हुने गरि उत्पन्न परिस्थितिका कारण मख्ख छ । उसले चाहेजस्तै प्रधानमन्त्रीले गठबन्धन टुटाउन तयार भएका छन् । यो अवस्थामा अब दुई ठूला दलबीच सत्ता साझेदार, सभामुख माथि महाअभियोगसहित अन्य प्याकेजमा सहमतिको सम्भावना रहेको बताइएको छ । दुई दलबीचको छलफल सहमति नजिक पुगेको नेताहरुले बताएका छन् ।

माओवादी केन्द्र र एकीकृत समाजवादी पार्टीले समर्थन फिर्ता लिनासाथ एमालेले संसदबाटै प्रधानमन्त्री देउवालाई विश्वासको मत दिने तयारी छ । यही मेसोमा एमालेले सभामुख हटाउनुपर्ने र आफूहरुले कारबाही गरेका १४ सांसदलाई पदमुक्त गर्नुपर्ने अडानलाई कार्यान्वयन गर्न सक्नेछ ।

काठमाडौं । अमेरिकी अनुदान एमसीसीका कारण नेपालको राजनीतिमा अर्को उथलपुथल आएको छ । अब प्रधानमन्त्री शेरबहादुर देउवालाई साथ दिएका सत्तारुढ दलबीचको गठबन्धन टुट्ने भएको छ । त्यसको साटो नेपाली कांग्रेस र एमाले गठबन्धनका लागि सहमत भएका छन् । यसले एमसीसी पास गर्नेदेखि सत्तामा समेत यी दुई दलले भागबन्डा गर्ने छन् ।

बिहीबार राती प्रधानमन्त्री देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच जारी राजनीतिक गतिरोधलाई समुचित सहकार्यमार्फत निकास दिने सहमति जुटेको हो । प्रधानमन्त्री निवास बालुवाटारमा बसेको बैठकमा यस्तो सहमति जुटेको स्रोतको भनाई छ । बैठकमा नेपाली कांग्रेसका तर्फबाट सभापति एवं प्रधानमन्त्री देउवाले विगतमा मुलुकलाई निकास दिन कांग्रेस र एमालेले पटक पटक सहकार्य गरेको स्मरण गराएका छन् ।

संसदबाट एमसीसी पास गर्ने शर्तमा उनी गठबन्धन समेत तोठ्न तयार भएका हुन् । उनको भनाईमा केपी ओली समेत सहमत भएका कारण दुई ठूला दलबीच सहमति भएको हो । ओलीले निकासका लागि एमाले बाधक नबन्ने बताएका थिए । अहिलेकै अवस्थामा एमाले संसदमा प्रवेश गर्ने वातावरण नभएको र त्यो वातावरण बनेमा अवरोध नगर्ने उनको भनाई छ । एमालेको माग कसरी पुरा गर्ने भन्ने चाँही स्पष्ट भइसकेको छैन । दुई दलबीच शुक्रबार समेत छलफल हुने छ ।

काठमाडौं । एमसीसी अनुमोदनको लागि गठबन्धनको साथ नपाएपछि प्रधानमन्त्री शेरबहादुर देउवाले प्रमुख प्रतिपक्षी दलसँग सामूहिक संवाद थालेका छन्।

नयाँ बानेश्वरस्थित संघीय संसद् भवनमै रहेको एमाले संसदीय दलको कार्यालयमा ओलीसँग एक्लाएक्लै छलफलपछि प्रधानमन्त्री देउवाले अन्य नेतासहितको छलफल गरेका हुन् ।

छलफललाई अर्थपूर्ण रुपमा हेरिएको छ।

एमालेबाट वरिष्ठ उपाध्यक्ष ईश्वर पोखरेल र एमाले संसदीय दलका उपनेता सुवास नेम्वाङ सहभागी थिए भने कांग्रेसबाट देउवासहित सञ्चारमन्त्री ज्ञानेन्द्रबहादुर कार्की र महामन्त्री गगन थापा सहभागी थिए।

बिहीबार बिहान प्रधानमन्त्री देउवा र नेकपा माओवादी केन्द्रका अध्यक्ष प्रचण्डबीच पनि छलफल भएको थियो।

विहीवारको लागि बोलाइएको वैठकमा अनुमोदनका लागि बहुमत नपुग्ने देखिएपछि प्रधानमन्त्री देउवाले संसद् बैठक नै स्थगन गर्न सभामुख अग्निप्रसाद सापकोटालाई आग्रह गरेका थिए।

सरकारको आग्रहबमोजिम सभामुख सापकोटाले प्रतिनिधि सभा बैठक स्थगन गरेका थिए ।

काठमाडौं । प्रतिनिध सभाको बैठक बस्ने दिन आज एमसीसीबारे संसदमा छलफल हुँदैछ । अर्कोतर्फ यसको विरोध गरिरहेको कम्युनिष्ट घटकहरुले सडकमा समेत माहोल तताउने तयारी गरेका छन् । सोहीकारण संसद भवन वरिपरि प्रहरीले काँडेतारले घेरेको छ । सुरक्षा प्रवन्ध कडा गरिएको छ । गत आइतबार संसदमा एमसीसी टेबुल हुने दिने प्रहरीले प्रदर्शनकारीमाथि दमन गरेको थियो ।

आज समेत विरोधीहरुले चर्को आन्दोलनको तयारी गरेका छन् । आज बस्ने बैठकमा आजबाट मिलेनियम च्यालेन्स कर्पोरेसन (एमसीसी)नेपाल कम्प्याक्टबारे छलफल प्रारम्भ हुने छ । सत्तारुढ दलमध्ये कांग्रेस जसरी पनि एमसीसी पास गराउने दौडधुपमा छ । अन्य दल विपक्षमा छन् । सोहीकारण प्रधानमन्त्री शेर बहादुर देउवाले एमालेलाई फकाइरहेका छन् ।

काठमाडौं । पछिल्लो २४ घण्टामा थप ३१२ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ५ हजार १०३ जनाको पीसीआर परीक्षण गर्दा २५६ जना र ३ हजार ५९० जनाको एन्टिजेन परीक्षण गर्दा ५६ जना गरी ३१२ जनामा संक्रमण पुष्टी भएको हो ।

हाल देशभर १० हजार ९० जना सक्रिय संक्रमित रहेका छन् । यस्तै बुधबार ९११ जना संक्रमणमुक्त भएका छन् ।

हाल देशभर १० हजार ९० जना सक्रिय संक्रमित रहेका छन्। यस्तै बुधबार ९११ जना संक्रमणमुक्त भएका छन्।

दुईजनाको मृत्यु भएको छ ।

काठमाडौं । नेपाली कांग्रेसले बिहीवार बस्ने प्रतिनिधिसभा बैठकमा आफ्नो दलका सबै सांसदलाई अनिवार्य उपस्थित हुन निर्देशन दिएको छ।

संसदीय दलकी सचेतक पुष्पा भुसालले पार्टीका सबै सांसदलाई भोलि बस्ने प्रतिनिधिसभा बैठकमा अनिवार्य उपस्थित हुन सर्कुलर जारी गरिएको जानकारी दिइन्।

सचेतक भुसालले भोलिको संसद बैठकमा अमेरिकी सहयोग परियोजना एमसीसीमाथि सैद्धान्तिक छलफल हुने र उक्त छलफल नै निर्णायक बन्न सक्ने भएकाले सांसदलाई अनिवार्य उपस्थित हुन भनिएको बताइन्।

‘सैद्धान्तिक छलफल र निर्णय प्रक्रिया जोडिएको हुन्छ। तसर्थ यसलाई एमसीसीको पक्षमा उभिन सांसदलाई ह्विप नै जारी गरिएको भनेर बुझ्दा पनि हुन्छ’, भुसालले भनिन्।

हाल प्रतिनिधिसभा बैठकमा नेपाली कांग्रेसका ६३ जना सांसद छन्। तीमध्ये दुईजना निलम्बित छन्। सांसद प्रदीप गिरी उपचारका क्रममा भारतमा छन्।

कांग्रेस एमसीसीको पक्षमा छ। कांग्रेस सांसद लक्ष्मी परियारले भोलि बस्ने संसद बैठकमा उपस्थित हुन भनेर सर्कुलर आएको जानकारी दिइन्। उनले पार्टीको संसदीय दलको कार्यालयले बिहीबार बस्ने प्रतिनिधिसभा बैठकमा अनिवार्य उपस्थित हुनु भनेर म्यासेज पठाएको पुष्टि गरिन्।

सत्तारुढ प्रमुख दल कांग्रेस संसदमा दोस्रो ठूलो शक्तिको रूपमा रहेको छ। संसदमा सबैभन्दा धेरै एमालेका ९७ जना सांसद छन्। एमालेले एमसीसीको सम्बन्धमा संसदमा पक्ष वा विपक्षमा उभिनेबारे स्पष्ट धारणा सार्वजनिक गरेको छैन। एमालेले आफ्नो माग सम्बोधन गरेमात्रै एमसीसीको विषयमा निर्णय गर्ने अडान राखेको छ।