Author: Vishwanews.com

काठमाडौं । नेपाल धितोपत्र बोर्डका अध्यक्ष भीष्मराज ढुंगानाको बारेमा मिडियामा समाचार प्रकाशन तथा प्रसारण भएपछि अर्थमन्त्रालयले स्पष्टीकरण सोधेको छ ।

ढुंगानाले बुकबिल्डिङ विधिबाट आइपीओ ल्याउन लागेको सर्वोत्तम सिमेन्टको शेयर छोरीको नाममा किनेको समाचार बाहिरिएसँगै मन्त्रालयले स्पष्टीकरण माग गरेको हो ।

अर्थ मन्त्रलायका शाखा अधिकृत श्याम प्रसाद आचार्यले पत्रकाटी सञ्चार माध्यममा आएका विषयवस्तुहरु सत्य तथ्य के हो, सोको स्पष्ट तथ्यपरक विवरण तीन दिनभित्र मन्त्रालयमा उपलब्ध गराउन निर्देशन दिएका हुन् ।

अध्यक्ष ढुंगानाले स्वार्थ बाझिने गरी शेयर खरीद गरेको आरोप लागेको हो । तर विबाद भएपछि नेपाल धितोपत्र बोर्डका अध्यक्ष ढुंगानाले विहे गरेको छोरीले शेयर किन्न धितोपत्र बोर्डको कर्मचारी विनियमावली र कानूनले बन्देज नलगाउने दाबी गरेका छन् ।

ढुंगानाले आन्तरिक रुपमा अमेरिकामा बस्ने छोरी रेविका ढुंगानाका नाममा सर्वोत्तम सिमेन्टको ११ हजार ९९२ कित्ता शेयर किनेको विवरण सार्वजनिक भएको थियो ।

काठमाडौं । यस साता सेयर बजारले दैनिक नयाँ रेकर्ड बनाउन थालेको छ । दिनभर तीव्र उतरचढाव देखिएको बजारमा होटल र फाइनान्स समूहको सेयरमा चमक आउँदा नेप्सले आज पनि नयाँ रेकर्ड बनाएको हो ।

आज नेप्सेले ३०९४ विन्दु चुम्दै इतिहासकै सर्वाधिक उच्च विन्दुको रेकर्ड बनाएको हो । नेप्से ३०९० विन्दु माथि पुगेको पहिलो पटक हो । यसअघि मंगलबार नेप्सेले इतिहासकै सर्वाधिक ३०७९.६७ विन्दुको रेकर्ड बनाएको थियो ।

सूचकले नयाँ रेकर्ड बनाएको दिन कारोबार रकममा भने गिरावट आएको छ । अघिल्लो दिनको तुलनामा कारोबार रकम झन्डै २ अर्बले घटेर सवा १३ अर्बमा सीमित भएको छ ।

आज सेयर बजार मापक सूचक नेप्से १५.३० अंकले बढेर ३०९४.९४ विन्दुमा पुगेको छ । नेपाल स्टक एक्सचेन्जका अनुसार आज २१९ कम्पनीको १३ अर्ब २९ करोड १९ लाख ५४ हजार ५३५ रुपैयाँ बराबरको २ करोड ८१ लाख ७० हजार १७२ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये ४ समूहको परिसूचक राताम्मे भएक छन् भने बाँकी ९ समूहको परिसूचकमा हरियाली छाएको छ । होटल तथा पर्यटन समूह सबैभन्दा धेरै ७.०९ प्रतिशतले बढेको छ भने हाइड्रोपावर समूह १.४७ प्रतिशतले घटेको छ ।

आज कारोबारमा आएका २१९ कम्पनीमध्ये १२३ कम्पनीको सेयर मूल्य बढेको छ भने ८९ कम्पनीको मूल्यमा गिरावट आएको छ । ७ कम्पनीको मूल्य स्थिर रहेको छ ।

आज युनाइटेड मोदी हाइड्रोपावरको सर्वाधिक कारोबार भएको छ । यसको साढे ३८ करोड रुपैयाँ बढीको कारोबार भएको छ । कारोबार रकमकै आधारमा नेशनल हाइड्रो ३६ करोड र अरुण भ्याली हाइड्रोपावर ३३ करोडको कारोबार सहित शीर्ष तीन स्थानमा रहे ।

दोहोरो अंकले बढेको बजारमा आज ३ कम्पनीको सेयर मूल्य पोजेटिभ सर्किट लागेको छ । चन्द्रागिरी हिल्स, नारायणी विकास बैंक र मल्टिप्रोज फाइनान्सको सेयरमूल्य ठ्याक्कै १० प्रतिशतले बढेको छ ।

यस्तै, सोल्टी होटल र कर्पोरेट डेभलपमेन्ट बैंकको मूल्य ८ प्रतिशतभन्दा धेरले बढेको छ भने लुम्बिनी जनरल इन्स्योरेन्सको ७ प्रतिशतले बढेको छ । सेन्टर, बेस्ट, नेपाल फाइनान्स र कालिका माइक्रोफाइनान्सका सेयरधनीले ५ प्रतिशभन्दा धेरै कमाएका छन् ।

बढ्दो बजारमा आज पञ्चकन्यामाइ हाइड्रोपावरका लगानीकर्ताले भने सबैभन्दा धेरै ५.०७ प्रतिशत गुमाएका छन् ।

काठमाडौं । सरकारले राष्ट्रिय योजना आयोगको उपाध्यक्षमा युवा अर्थशास्त्री डा. विश्व पौडेललाई नियुक्त गरेको छ । मंगलबार बसेको मन्त्रिपरिषद्को बैठकले अर्थविद् डा. पौडेललाई उपाध्यक्ष पदमा नियुक्त गरेको हो बैठकले आयोगको सदस्यमा रामकुमार फुयाँल र दिलबहादुर लिम्बू नियुक्त भएका छन् । पौडेल कांग्रेस निकट हुन् । फुयाँल र लिम्बू भने माओवादी केन्द्रको सिफारिसमा आयोगमा सदस्य बनेका छन् । फुयाँल र लिम्बूलाई नेकपा विभाजन भएपछि तत्कालिन प्रधानमन्त्री केपी शर्मा ओलीले हटाएका थिए ।

डा. स्वर्णिम वाग्ले योजना आयोगको उपाध्यक्ष भएका बेला आयोगको आर्थिक सल्लाहकारका रुपमा काम गरेका पौडेलले अमेरिकाको युनिभर्सिटी अफ क्लालिफोर्नियाबाट विद्यावारिधि गरेका हुन् । उनको नियुक्तप्रति अर्थविद्हरुले भने स्वागत गरेका छन् । अर्थविद् रामेश्वर खनाल, पूर्वअर्थसचिव शान्तराज सुवेदीसहितका विज्ञहरुले उपयुक्त स्थानमा सहि पात्र छानेको भन्दै सरकारको प्रशंसा गरेका छन् ।

काठमाडौं । सेयर बजारले नयाँ कीर्तिमान बनाएको छ । दिनभर तीव्र उतरचढाव देखिएको बजारमा हाइड्रोपावरको सेयरमा चमक आउँदा नेप्सले नयाँ ऐतिहासिक रेकर्ड बनाएको हो ।

आज नेप्सेले ३०७९ विन्दु चुम्दै इतिहासकै सर्वाधिक उच्च विन्दुको रेकर्ड बनाएको हो । नेप्से ३०७५ विन्दु माथि पुगेको पहिलो पटक हो । यसअघि आइतबार नेप्सेले इतिहासकै सर्वाधिक ३०५८ विन्दुको रेकर्ड बनाएको थियो ।

नेपाल राष्ट्र बैंकले सोमबार बैंक तथा वित्तीय संस्थाहरुको नाफा घट्ने गरी नयाँ निर्देशन जारी गरेपछि आज बजार खुल्नसाथ निरन्तर ओरालो लागेर ५० अंकसम्म घटेको थियो ।

सूचकले नयाँ रेकर्ड बनाएको दिन कारोबार रकम पनि उत्साहजनक रहेको छ । अघिल्लो दिनको तुलनामा कारोबार रकम १ अर्बले बढेर १५ अर्ब नाघेको छ ।

आज सेयर बजार मापक सूचक नेप्से २९.२८ अंकले बढेर ३०७९.६७ विन्दुमा पुगेको छ । नेपाल स्टक एक्सचेन्जका अनुसार आज २२५ कम्पनीको १५ अर्ब १७ करोड ६ लाख ५१ हजार ६४३ रुपैयाँ बराबरको ३ करोड २३ लाख ५५ हजार २६० कित्ता सेयर किनबेच भएका छन् ।

आज कारोबारमा आएका १३ वटा समूहमध्ये बैंकिङ, माएक्रोफाइनान्स, होटल र व्यापारसमूहको परिसूचक राताम्मे भएक छन् भने बाँकी ९ समूहको परिसूचकमा हरियाली छाएको छ । उत्पादनमूलक समूह सबैभन्दा धेरै ४.७४ प्रतिशतले बढेको छ भने हाइड्रोपावर समूह पनि ३.७५ प्रतिशतले बढेको छ ।

आज कारोबारमा आएका २२५ कम्पनीमध्ये १३२ कम्पनीको सेयर मूल्य बढेको छ भने ७५ कम्पनीको मूल्यमा गिरावट आएको छ । १८ कम्पनीको मूल्य स्थिर रहेको छ ।

आज एनआइसी एशिया बैंकको सर्वाधिक कारोबार भएको छ । यसको ४९ करोड रुपैयाँ बढीको कारोबार भएको छ । कारोबार रकमकै आधारमा अपी पावर ४८ करोड र युनाइटेड मोदी हाइड्रोपावर ३६ करोडको कारोबार सहित शीर्ष तीन स्थानमा रहे ।

दोहोरो अंकले बढेको बजारमा आज ११ कम्पनीको सेयर मूल्य पोजेटिभ सर्किट लागेको छ । मल्टिप्रपोज फाइनानस, खानीखोला, युनाइटेड मोदी, नेशनल हाइड्रो, जोशी र घलेम्दी हाइड्रोपावरको सेयरमूल्य ठ्याक्कै १० प्रतिशतले बढेको छ ।

यस्तै, हिमालयन ऊर्जा, जानकी फाइनान्स, युनिभर्सल पावर, हिमालयन पावर, युनाइटेड इदी मार्दीको सेयरधनीले पनि करिब १० प्रतिशत कमाएका छन् । सिनर्जी पावर, रिलायन्स फाइनानस र आँखुखोला हाइड्रोपावरको सेयर मूल्य ९ प्रतिशतभन्दा धेरैले बढेको छ ।